Facent, facent, hardïement Mesdisant dou pis qu'il poront, Car ja, pour cose qu'il feront, Ne changerai voir mon talent.
De mal penser et de mal dire Sont il tous jours plain et garni. Quant par eulz est aultrui en ire Adonques sont il resjoÿ. Mais pour eulz faire plus dolent, Vorrai je faire, ou qu'il seront, Samblant de joie. Si aront En leurs coer envie et tourment. Facent, facent, et cetera.
Il ont bien pour eulz pris le pire, Mesdisant, qui nous grievent si. S'a eulz en est ore le rire, Il ne demorra pas ensi. Le temps pora estre aultrement En peu d'espasse, et bien veront Que mener a cief ne saront Leur faulz desirs certainnement. Facent, facent, et cetera.
Froissart, Jean (2012) Melyador, éd. Nathalie Bragantini-Maillard, Dorz, pp. 1207-1208.